அடிக்கடி அப்பா சொல்வது...

"எண்ணம் பழுதானால் எல்லாமே பழுதாகும்" 


நீ எப்போதுமே நல்லதையே செய்து வந்தால் தவறில்லை அடுத்தவரை கெடுக்க நினைத்தால் அதற்குள்ளே நீ மாட்டிக் கொள்வாய் அவரோடு நீயும் கெட்டோழிவாய் அதனால் எபோதுமே முடிந்தால் உதவி செய் .முடியாவிட்டால் ஒதுங்கிசெல் என்று சொல்லுவார்.அதை நான் இன்றுவரை கடைபிடித்து வருகிறேன்.

"கொடுத்து வாழ்.கெடுத்து வாழாதே"

ஆம் உன்னிடம் அதிகமாய் இருந்தாலும் இல்லாவிட்டாலும் சிறிதளவாவது யாருக்கேனும் உதவி செய்.குடிப்பவனுக்கும்  கொடுமைக்காரனுக்கும் சோம்பேறிகளுக்கும்  கொடுக்காமல் வறுமையில் இருக்கும் குடும்பத்திற்கு  எப்போதுமே இல்லையென்று சொல்லாமல் இருப்பதில் சிறிதாவது உதவி செய்  என்று சொன்னதால் இன்றும் கடைப்பிடித்து  வருகிறேன்.

"உடன் பிறந்தவளை மறக்காதே உதவி செய்ய மறுக்காதே"

இதுவும் அப்பா அடிக்கடி சொல்லும்  வார்த்தையிது.எங்களுக்குபின்னே பிறந்த வீட்டில் நம்மை அன்போடும் ஆசையோடும் பேச பழக கொடுக்க யாருமில்லையே என்று ஏங்க வைத்துவிடாதே இயன்றதை செய்து உடன்பிறந்த பெண்பிள்ளைகளை கவனித்துக்கொள்.அதையும் இன்றுவரை செய்து வருகிறேன்.என்னிடம் இருப்பதில் கிடைத்ததை எனது மனைவி அறிய உதவி வருகிறேன்